कार्यक्रमलाई सम्बोधन गर्नुहुँदै माननीय महालेखापरीक्षक श्री टंकमणि शर्मा दंगालज्यू

२२ मंसिर,२०७७

माननीय महालेखापरीक्षक श्री टंकमणि शर्मा, दंगालज्यूको समुपस्थितिमा कार्यमूलक लेखापरीक्षण सम्बन्धी तालिम कार्यक्रम  भर्चुअलरुपमा सम्पन्न भएको छ । कार्यक्रमलाई सम्बोधन गर्नुहुँदै माननीय महालेखापरीक्षकज्यूले कार्यमूलक लेखापरीक्षणले निकायहरुले मितव्ययिता, कार्यदक्षता र प्रभावकारितालाई विचार गरी श्रोतको उच्चतम प्रयोग गरे, नगरेको तथा सार्वजनिक क्षेत्रका पदाधिकारीले आफ्नो उत्तरदायित्व निर्वाह गरे नगरेको  र कार्यसम्पादन सम्बन्धी प्रतिवेदन विश्वसनीय र पर्याप्त भए नभएको विषयवस्तुलाई समेटी प्रतिवेदन पेश गर्नुपर्ने बताउनु भयो । उहाँले कार्यमूलक लेखापरीक्षणले सम्बन्धित निकाय, संसद र जनतालाई लेखापरीक्षण गरिने निकायले प्रयोग गरेको श्रोत र साधनको गतिविधि एवं संयन्त्रबाट कति उपलब्धि भयो भन्ने सु–सूचित गराउने बताउनुभयो । विश्वका सर्वोच्च लेखापरीक्षण संस्थाहरुको जोड समेत कार्यमूलक लेखापरीक्षणमा रहेको र यस वर्ष कार्यालयले लेखापरीक्षणको लागि ३२विषय छनौट गरिएको तथा यस्ता तालिम कार्यक्रमहरुले कर्मचारीमा कार्यमूलक लेखापरीक्षणको लागि क्षमता अभिवृद्धि हुने विश्वास व्यक्त गर्नुभयो । कार्यक्रममा कार्यालयका विभिन्न निर्देशनालयका ८० कर्मचारीले सहभागिता जनाउनुभएको थियो । तीन दिन सम्म सञ्चालित कार्यक्रममा देहाय बमोजिमको सत्र रहेका थिए ।